မြန်မာနိုင်ငံမှာ လုံခြုံရေးအဆင့် တိုးမြှင့်

                                                                             အပြည်ပြည်ဆိုင်ရာ ရန်ကုန်လေဆိပ်
မြန်မာနိုင်ငံမှာ အကြမ်းဖက် ခြိမ်းခြောက်မှု၊ တိုက်ခိုက်မှု တွေ ဖြစ်လာနိုင်တဲ့ အတွက် တနိုင်ငံလုံး လုံခြုံရေး အဆင့် အနေနဲ့ အဆင့်ငါးဆင့် သတ်မှတ်ထားတဲ့ အနက် အဆင့်သုံး သတ်မှတ် ထားတဲ့ အကြောင်း၊ မြန်မာနိုင်ငံ နိုင်ငံဖြတ်ကျော် မှုခင်းတားဆီးရေး ဌာန မှ ရဲမှူးချုပ် စိုးမြိုင်က ဘီဘီစီ ကို ပြောပါတယ်။

လုံခြံုရေး အတွက် စိုးရိမ်ဘွယ်ရာ သတင်းအချက်၊ သက်သေ အထောက်အထား စတာတွေ ထက်၊ ပြောင်းလဲနေတဲ့ ဒီကနေ့ ကမ္ဘာကြီး မှာ နိုင်ငံတကာ အကြမ်းဖက် အဖွဲ့အစည်းတွေ ရဲ့ လှုပ်ရှားမှု တွေ ကို စောင့်ကြည့် နိုင်အောင် လုံခြံုရေး အဆင့်သုံး အထိ မြှင့်ရပုံ ကို ရဲမှူးချုပ် စိုးမြိုင်က ရှင်းပြပါတယ်။

အထူးသဖြင့် နိုင်ငံတကာ ဝင်ပေါက်ဖြစ်တဲ့ လေဆိပ်ကနေ ဝင်ကြ၊ ထွက်ကြ သူတွေ ကို စစ်ဆေးခြင်း၊ အများပြည်သူ စုရုံးတဲ့ အရေးကြီးတဲ့ နေရာ တွေ မှာ ယူနီဖေါင်းဝတ် နဲ့ရော အရပ်ဝတ် နဲ့ပါ စစ်ဆေး စောင့်ကြပ်မှုတွေ ပါဝင်ပါတယ်။

ဘီဘီစီ (မြန်မာပိုင်း)
http://www.bbc.co.uk/burmese/burma/2014/12/141215_security_alert_myanmar